» » ABŞ-ın Suriyada şok planı: “İncirliy”ə alternativ baza

ABŞ-ın Suriyada şok planı: “İncirliy”ə alternativ baza

29-08-2017, 09:02
Yerləşdirdi: Admin
Çıxartmaq
ABŞ-ın Suriyada şok planı: “İncirliy”ə alternativ baza
Suriyada və İraqda İŞİD-ə qarşı əməliyyatlar uğurla davam etdirilir. Burada bir-birilə vuruşan bir çox tərəf olsa da, hər kəsi özünə düşmən etməyi bacaran yeganə təşkilat İŞİD-dir. Xarici mediada ABŞ rəhbərliyinin İŞİD-in məhv edilməsindən sonra kürdlərin hesabına bölgədə uzun illər boyunca qalmaq planları barədə analitik yazı və rəylər dərc olunur.

“ABŞ-ın Suriyada on illəri əhatə edən planı mövcuddur. Gələcək perspektivdə bununla bağlı Suriyanın şimal rayonlarına nəzarət edən qüvvələrlə ABŞ arasında hərbi, siyasi və iqtisadi sazişlərin imzalanması tamamilə mümkün görünür”, - Bəşər Əsədə müxalif olmaqla bərabər İŞİD-ə qarşı vuruşan Suriya Demokratik Qüvvələrinin (SDQ) rəsmi nümayəndəsi Tələl Silo “Röyter” agentliyinə bildirib.

Hazırkı anda əsasən kürd dəstələrindən təşkil olunan SDQ ABŞ-ın bölgədə əsas müttəfiqi sayılır. Silonun söylədiyinə əsasən, amerikalıların bölgədə hərbi aerodrom tikmək planları var:

“Bu, sadəcə başlanğıcdır. Amerika bütün bu yardımları sonradan çıxıb getmək üçün etmir”.

“Röyter”in müsahibi Suriyanın ABŞ gücləri üçün Yaxın Şərqdə yeni baza rolunu oynaya biləcəyindən söhbət açıb: “Ola bilsin ki, burada “İncirlik” hərbi bazasına alternativ dayaq nöqtəsi yaradılsın”.

Ümumiyyətlə Suriyanı indiki məqamda “bazalar ölkəsi” adlandırmaq olar. Rusiya uzun müddətdir Suriya hökumətinin razılığı ilə Hmeymim aviabazasında öz hərbi qulluqçularını və texnikasını saxlayır. Bundan başqa, İran hərbçilərinin fəaliyyəti üçün ölkədə xüsusi yerlər ayrılıb. Vaxtaşırı bu bazalarda İranın məşhur generalı Qasım Süleymaninin öz tabeçiliyindəki şəxsləri ilə fotolarını görmək olar. Bəşər Əsədin digər yaxın müttəfəqi Hizbullah əsasən İsraillə sərhədə yaxın bölgələrdə möhkəmlənib.

Suriyanın şimalında, Əl-Bab şəhərinə isə Türkiyə ordusunun hərbi hissələri nəzarət edir. Bu gün Əl Bab Türkiyə ordusunun Suriyadakı əsas dayaq məntəqəsidir. Ankara, Tehran və Moskva arasındakı sazişə görə, İdlibdə də türk əsgərləri yerləşdirilməlidir. Lakin şəhər hələ ki, Türkiyə silahlı qüvvələrinin nəzarəti altına keçməyib. Burada Əhrar əş-Şam və radikal dinçi Nüsrə Cəbhəsi qrupları arasında amansız döyüşlər gedir.

“Anadolu” agentliyinin məlumatına əsasən, Suriyada ABŞ-ın 10 hərbi bazası fəalyyət göstərir. Bütün bu bazalar əsasən kürdlərin məskunlaşdığı və SDQ-nin nəzarəti altında olan bölgələrə cəmləşdirilib. İndi bu bölgə Şimali Suriya federasiyası adlandırılır. Kürdlər burada Dəməşq tərəfindən tanınmayan muxtariyyat elan ediblər. Bölgədə Rumeylan və Kobani şəhərlərində hərbi aerodromlar vastəsilə ABŞ SDQ-yə hərbi dəstək verir. Kürd birlikləri İŞİD-in qeyri-rəsmi paytaxtı Rakkaya hücumun da özəyini təşkil edirlər. Belə görünür ki, ABŞ bölgədə Türkiyənin dərin etirazlarına rəğmən ən yaxın müttəfiqi olaraq məhz kürdləri seçib.

Buna rəğmən, kürdlər arasında məsələyə olduqca ehtiyatla və fərqli yanaşanlar var. “Yezidi-press” qəzetinin redaktoru Rüstəm Rzqoyan Rusiya mətbuatına verdiyi müsahibədə bütün bu prosesin kürdlər üçün xeyirlə nəticələnməyəcəyini söyləyib: “Kürdlər Suriyada ABŞ-ın siyasətini gerçəkləşdirməkdən ötrü sadəcə bir alətdir. Burada Suriyada böhranın başlandığı ilkin dövrləri yada salmaq çox vacibdur. Həmin vaxtlar hamı Bəşər Əsədlə savaşmaq üçün birləşmişdi. Elə indinin özündə də ABŞ kürdləri məhz Əsədə qarşı vuruşan qüvvə olaraq nəzərdən keçirir”.

Rüstəm Rzqoyanın fikrincə, İŞİD üzərində qələbə Suriya böhranının bitməsi demək olmayacaq: “Tam əksnə, bu, ABŞ tərəfindən dəstəklənən kürd qüvvələri ilə Rusiyanın tutduğu Əsəd rejimi arasında amansız müharibənin başlanğıcına çevriləcək. Kürdlər bu qazanın içinə girməməlidirlər. İkincisi, Vaşinqtona güvənmək də doğru deyil. Amerikanın hələ ki, NATO-dakı müttəfəqi Türkiyədən əl çəkmək fikri yoxdur”.

Musavat.com
dle 10.5
Xəbər
Ruhani Ankarada: Kritik zirvə başladıTramp nöqtə qoydu: Şərtsiz görüş olmayacaq!İran Britaniya tankerini buraxacağını açıqladıPutini gizli “Siyasi Büro” idarə edir? - ÇemezovRusiyanın Belarusu “anneksiya” edəcəyi tarix açıqlandıDollar bu gün neçəyədir?Turşu məhsullarını hansı halda yemək olmaz? - VideoÖzbəkistanın bu qərarı... - Bakı alqışladıMənsimovun “vurulan” gəmisi delfinlərlə yarışır - Videoİslam aləmi bu ölkəyə qarşı birləşdi - Bəyanatİndoneziyalılar “Torqovı”da belə rəqs etdi – VideoRusiya açıqladı: neft erasının sonu başladı - AnalizÇavuşoğludan nazirə: Yaxşı uşaqsan, həddini aşma!Bərzani soyqırımla bağlı qanunu təsdiqlədiOrdumuz 10 minlik heyətlə savaş təliminə başladı - Video“Təqsirkar hədəfdədir, silahlarımız hazırdır” - ABŞ PrezidentiTürk nazirin idarə etdiyi təyyarədə 8 nasist bayrağı – Şok səbəbƏrdoğan Trampla "Patriot" məsələsində anlaşır? - İsrail nəşrindən şok iddiaİrana hücum üçün bu ölkədən cavab gözləyirlər - Trampdan DƏHŞƏTLİ MÜHARİBƏ ANONSUBakıda yol polisləri dəhşətli qəzaya düşdü – VideoRusiya S-500-lərin istehsal ediləcəyi tarixi açıqladıRusiyanın Belarusu “anneksiya” edəcəyi tarix açıqlandıTramp söz verdi: Cavab zərbəsi...Toy zalında partlayış: yaralılar varİsrailə 3 raket atıldıABŞ-a məxsus PUA Rusiya sərhədindəFHN batmaqda olan 3 nəfəri xilas etdiRusiyada ağır qəza: Avtobus divara çırpıldıUkraynada dəhşətli yanğın: 9 nəfər öldüAsfaltı mavi rəngə boyadılar - Maraqlı təcrübəHusilər neft mədənlərini vurdu - BƏƏ-yə xəbərdarlıqOktyabrın 1-dən onların pensiyası artacaq - Ekspert"Qəbələ" öz meydanında "Sumqayıt"a məğlub olduDolların bugünkü məzənnəsiOnkoloji xəstəliklərlə “vuruşan” ərzaqların - SiyahısıYanmış dəriyə bunu çəkmək olmazmış – İlkin yardım üsullarıMəğlubiyyətdə özümü günahlandırıram - BordinDavada oğul səhvən atasına atəş açdı - TəfərrüatQol buraxmayan komandanı yendik - AbuksisMarkov: Dağlıq Qarabağ Azərbaycanındır - VideoVilayət Eyvazov rəisi işdən çıxardıİsrail Trampı eşitdi: müsəlman qadınlarla bağlı - QərarEtirazlar Kremli dalana dirəyib: Putin seçim qarşısında - VideoAxşam yeməyi zamanı buna diqqət edinTapılan bomba Putinin işinə təsir etməyib - PeskovBakı Metropoliteninin səlahiyyətləri artırıldıPaşinyan əlindən gələni edir ki, Putin... - BədəlyanHəbsxanada yanğın: 3 nəfər öldüİran-Azərbaycan əlaqələri qardaşlığa əsaslanır - VaeziNəzarət xəttində atışma: azı 8 hərbçi öldü