» » Bakıya xəyanət edəni Belarus təhvil verdi, Türkiyə isə...

Bakıya xəyanət edəni Belarus təhvil verdi, Türkiyə isə...

15-10-2017, 09:11
Yerləşdirdi: Admin
Çıxartmaq
Bakıya xəyanət edəni Belarus təhvil verdi, Türkiyə isə...
Türkiyə vətəndaşlarının Azərbaycanın işğal altında olan ərazilərinə qeyri-qanuni səfəri beynəlxalq hüququn norma və prinsiplərinin kobud şəkildə pozulması, iki ölkə arasındakı dostluq-qardaşlıq münasibətlərinə məhəl qoyulmamasıdır.

Bu sözləri Axar.az-a açıqlamasında 4 türkiyəli fəalın sentyabrın 22-də Xankəndinə qanunsuz səfərini şərh edən “Teleqraf” Media Qrupunun rəhbəri Aynur Camalqızı deyib. O bildirib ki, Türkiyə bizim üçün Azərbaycan qədər sevdiyimiz, Vətənimizlə yan-yana qoyduğumuz bir ölkədir.

“Türkiyə məhz o ölkədir ki, ona istər dövlətimizin, istərsə də xalqımızın münasibəti tamamilə fərqli səviyyədədir, dövlətlərarası münasibətlərin fövqündədir. Yəni Türkiyə deyəndə biz hər hansı bir məsələyə sadəcə, diplomatik müstəvidə baxa bilmirik. Çünki bu, hansısa qonşu ölkəyə olan münasibət deyil. Canı canımızdan, qanı qanımızdan olan qardaşa, “bir millət iki dövlət” məfhumunun fəlsəfəsinə olan münasibətdir. Bu baxımdan Türkiyə vətəndaşları Ufuk Uras, Səid Çətinoğlu, Əli Bayramoğlu və Ərol Qatırçıoğlunun sərhədlərimizi qanunsuz şəkildə keçərək Qarabağa səfər etməsinə Türkiyə hökumətinin heç bir tədbir görməməsini təəssüflə, ürək ağrısı ilə müşahidə edirik. Bu 4 şəxs heç bir qınaqla üzləşmədən hazırda Türkiyənin kütləvi informasiya vasitələrinə öz “səfər təəssüratları” haqqında geniş müsahibələr verir, televiziya proqramlarında nümayişkaranə şəkildə Qarabağdakı erməni separatçılarının pozitiv obrazını yaratmağa cəhd edirlər. Əlbəttə, bu, istər hüquqi, istərsə də mənəvi nöqteyi-nəzərdən yolverilməzdir”, - o deyib.

A.Camalqızının sözlərinə görə, əslində onların bu hərəkətləri təkcə Azərbaycanın deyil, Türkiyənin də milli mənafeyinə zərbə vurur. Qondarma “erməni soyqırımı” “Domokl qılıncı” kimi Türkiyənin də başı üzərində qalmaqdadır:

“Ermənistan həmçinin Türkiyəyə qarşı da torpaq iddialarıyla çıxış edir, vaxtaşırı Türkiyənin müəyyən əraziləri qondarma “Böyük Ermənistan xəritəsinə” daxil edilir. Ortada bunca düşmənçilik əhval-ruhiyyəsi sərgiləndiyi halda ikinci vətən saydığımız Türkiyənin vətəndaşlığını daşıyan şəxslərin erməni yandaşlığı nümayiş etdirməsi, suveren bir dövlətin ərazilərini işğal etmiş separatçılara açıq-aşkar dəstək ifadə etməsi hiddət doğurur. Biz Türkiyə hökumətindən XİN və ölkəmizdəki səfirlik səviyyəsində yumşaq bəyanatlar vermək yerinə, Lapşin məsələsində Belarus hakimiyyətinin göstərdiyi qətiyyəti gözləyirik. İki qardaş ölkə arasındakı münasibətlərin arzuolunmaz məcraya yönəlməsinə xidmət edən bu səfərin xoşagəlməz nəticələrinin qarşısını almaq üçün Türkiyə hökuməti Azərbaycan Respublikasının dövlət sərhədini qanunsuz olaraq keçmiş vətəndaşları haqqında hüquqi prosedur başlatmalı və bununla gələcəkdə Qarabağa səfər etmək istəyən digər vətəndaşlarını da belə qeyri-qanuni, ziyanlı, təhlükəli addımlardan çəkindirməlidir”.

Qeyd edək ki, bu il sentyabrın 22-də Türkiyə vətəndaşları Ufuk Uras, Əli Bayramoğlu, Səid Çəkinoğlu və Ərol Qatırçıoğlu Ermənistan ərazisindən qəsdən keçərək Xankəndi və digər yaşayış məntəqələrinə qanunsuz gəlmələrinə əsaslı şübhələr olduğundan 28 Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 318.2-ci (Azərbaycan Respublikasının dövlət sərhədini qanunsuz olaraq keçmə) maddəsi ilə cinayət işi başlanıb.

Ufuk Uras, Əli Bayramoğlu, Səid Çəkinoğlu və Ərol Qatırçıoğlu Cinayət Məcəlləsinin qeyd olunan maddəsi ilə təqsirləndirilən şəxs qismində cəlb olunmaqla barələrində məhkəmənin qərarları ilə həbs qətimkan tədbiri seçilərək dövlətlərarası axtarışa verilib.

Həmin şəxslərin tutularaq istintaqa cəlb olunmaları məqsədi ilə Türkiyə hüquq mühafizə orqanlarına müraciət edilsə də, bu vaxta qədər qardaş ölkədən reaksiya verilməyib.
dle 10.5
Xəbər
Ruhani Ankarada: Kritik zirvə başladıTramp nöqtə qoydu: Şərtsiz görüş olmayacaq!İran Britaniya tankerini buraxacağını açıqladıPutini gizli “Siyasi Büro” idarə edir? - ÇemezovRusiyanın Belarusu “anneksiya” edəcəyi tarix açıqlandıDollar bu gün neçəyədir?Turşu məhsullarını hansı halda yemək olmaz? - VideoÖzbəkistanın bu qərarı... - Bakı alqışladıMənsimovun “vurulan” gəmisi delfinlərlə yarışır - Videoİslam aləmi bu ölkəyə qarşı birləşdi - Bəyanatİndoneziyalılar “Torqovı”da belə rəqs etdi – VideoRusiya açıqladı: neft erasının sonu başladı - AnalizÇavuşoğludan nazirə: Yaxşı uşaqsan, həddini aşma!Bərzani soyqırımla bağlı qanunu təsdiqlədiOrdumuz 10 minlik heyətlə savaş təliminə başladı - Video“Təqsirkar hədəfdədir, silahlarımız hazırdır” - ABŞ PrezidentiTürk nazirin idarə etdiyi təyyarədə 8 nasist bayrağı – Şok səbəbƏrdoğan Trampla "Patriot" məsələsində anlaşır? - İsrail nəşrindən şok iddiaİrana hücum üçün bu ölkədən cavab gözləyirlər - Trampdan DƏHŞƏTLİ MÜHARİBƏ ANONSUBakıda yol polisləri dəhşətli qəzaya düşdü – VideoRusiya S-500-lərin istehsal ediləcəyi tarixi açıqladıRusiyanın Belarusu “anneksiya” edəcəyi tarix açıqlandıTramp söz verdi: Cavab zərbəsi...Toy zalında partlayış: yaralılar varİsrailə 3 raket atıldıABŞ-a məxsus PUA Rusiya sərhədindəFHN batmaqda olan 3 nəfəri xilas etdiRusiyada ağır qəza: Avtobus divara çırpıldıUkraynada dəhşətli yanğın: 9 nəfər öldüAsfaltı mavi rəngə boyadılar - Maraqlı təcrübəHusilər neft mədənlərini vurdu - BƏƏ-yə xəbərdarlıqOktyabrın 1-dən onların pensiyası artacaq - Ekspert"Qəbələ" öz meydanında "Sumqayıt"a məğlub olduDolların bugünkü məzənnəsiOnkoloji xəstəliklərlə “vuruşan” ərzaqların - SiyahısıYanmış dəriyə bunu çəkmək olmazmış – İlkin yardım üsullarıMəğlubiyyətdə özümü günahlandırıram - BordinDavada oğul səhvən atasına atəş açdı - TəfərrüatQol buraxmayan komandanı yendik - AbuksisMarkov: Dağlıq Qarabağ Azərbaycanındır - VideoVilayət Eyvazov rəisi işdən çıxardıİsrail Trampı eşitdi: müsəlman qadınlarla bağlı - QərarEtirazlar Kremli dalana dirəyib: Putin seçim qarşısında - VideoAxşam yeməyi zamanı buna diqqət edinTapılan bomba Putinin işinə təsir etməyib - PeskovBakı Metropoliteninin səlahiyyətləri artırıldıPaşinyan əlindən gələni edir ki, Putin... - BədəlyanHəbsxanada yanğın: 3 nəfər öldüİran-Azərbaycan əlaqələri qardaşlığa əsaslanır - VaeziNəzarət xəttində atışma: azı 8 hərbçi öldü