» » Bu səhifələr gənclərin əxlaqını pozur – Xəbərdarlıq

Bu səhifələr gənclərin əxlaqını pozur – Xəbərdarlıq

14-04-2018, 17:17
Yerləşdirdi: Admin
Çıxartmaq
Bu səhifələr gənclərin əxlaqını pozur – Xəbərdarlıq
Son illər sosial şəbəkələrdə fenomenə çevrilən vaynerlərin hazırladığı videolar müzakirələrə səbəb olur. Onların toxunduğu mövzular bəzən istifadəçilər tərəfindən maraqla qarşılansa da, əksər hallarda seçdikləri üslublar cəmiyyəti yanlış yönləndirmək baxımından narahatlıq doğurur. Buna misal olaraq, vaynerlərin müxtəlif zərərli vərdişləri təbliğ edən videolar çəkməsini göstərmək olar. Bunların arasında içki, siqaret, qəlyan, içkili halda maşın sürmək və s. formasında hərəkətləri əks etdirən videolar var. Belə səhifələrin izləyicilərinin isə əksəriyyəti azyaşlı uşaqlar, yeniyetmələr və gənclərdir. Bu cür videoların cəmiyyətə, yeniyetmələrə, azyaşlılara necə mənfi təsirləri ola bilər?

Məsələ ilə bağlı psixoloq Elnur Rüstəmov bildirib ki, bu hallar uşaqların psixologiyasına çox pis təsir edir:

“Məsələ burasındadır ki, bu tək Azərbaycanla bağlı deyil. Hazırda bütün dünyada bu proses gedir. Belə insanlara qoşulan, onları dəstəkləyən, onları təqlid edən yeniyetmə və gənclərimizin sayı kifayət qədər çoxdur. Elə bir qlobal dünyada yaşayırıq ki, bunun qarşısını almaq üçün konkret olaraq hər hansı bir inzibati tədbirin görülməsi qeyri-mümkündür. Ona görə də məsələ sırf ona bağlıdır ki, bu kimi halların təsirinə yeniyetmələr düşməsin. Bunun mənfi fəsadları olur. Burada ən mühüm məqam ondan ibarətdir ki, hazırda cəmiyyətdə insanın insandan uzaqlaşması prosesi gedir. Bu baş verdikdə isə dəyərlər arxa planda qalır”.

Psixoloqun sözlərinə görə, hazırda yeniyetmələr arasında “cool”, fərqli görünmək istiqamətində müəyyən təbliğat işləri gedir:

“Amma unutmamalıyıq ki, bu bizdən başlamayıb. Bizə qədər var idi və indi bizə də gəlib çatıb. Tutaq ki, illər əvvəl bu cür şeylərin gəlib bizə çatması üçün 3-5 il lazım idisə, hazırda bu müddət saniyələrlə ölçülür. Çünki biz informasiya əsrində yaşayırıq. Ancaq gənclərimizi təhsilə, elmə yönəltməklə müəyyən qədər bu şeylərdən uzaq saxlamaq olar”.

Psixoloq vurğulayıb ki, cəmiyyətdə belə mənfi halları yalnız vaynerlər təbliğ etmir:

“Sosial şəbəkələrin özündə müəyyən yeniyetmələr qrupu, onların yaratdığı müxtəlif səhifələr var ki, azyaşlıları, yeniyetmələri, gəncləri ora cəlb etməyə çalışırlar. Bunun üçün bu cür səhifələrin geniş təbliğat işləri aparılır. Bu cür hallar bəzən valideyn-övlad arasında problemlərin yaranmasına səbəb olur. Əgər diqqət yetirsəniz, yeniyetmə gənclər arasında intihar halları da məhz informasiya əsrinə qədəm qoyduqdan sonra artmağa başladı”.

Azərbaycan İnternet Forumunun prezidenti Osman Gündüz isə qeyd edib ki, istər KİV-də, istər çap vasitəsində, istərsə də sosial şəbəkədə yayılması qadağan olunan vasitələrin təbliği yolverilməzdir:

“Azərbaycan Respublikasının qanunvericiliyinə görə, KİV və internet eyniləşdirilib. Yəni KİV-lə bağlı olan qanunvericilik internetə, o cümlədən sosial mediaya da şamil olunur. Əgər belə xoşagəlməz faktlar varsa, Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti bununla bağlı tədbir görməlidir. Yəni bu qurumun səlahiyyəti çatır ki, bu istiqamətdə işlər görsün”.

O.Gündüzün sözlərinə görə, bu gün ölkəmizdə vayn çəkən şəxsləri əsas maraqlandıran populyarlıqdır:

“Çünki belə olduqda onlara reklam verənlərin sayı da çox olur. Bu şəxslərin gəlirləri reklamlar vasitəsi ilə təmin olunur. Amma onlar bu populyarlığı aşağı səviyyəli informasiya yaymaqla qazanırlarsa, bu, yolverilməzdir”.

O.Gündüz bildirib ki, ölkəmizdə uşaqlar, gənclər üçün faydalı kanalların, səhifələrin yaradılması istiqamətində stimullaşdırma işlərinin görülməsinə ehtiyac var:

“Təhsil Nazirliyi, Mədəniyyət və Turizm Nazirliyi, Gənclər və İdman Nazirliyi yeniyetmələrə, azyaşlılara, gənclərə faydası olan səhifələr, sosial çarxlar yaradılmasına yardımçı olmalıdır. Çünki bu cür səhifələrin sosial media resurslarında inkişaf etdirilməsinə aidiyyəti qurumlar tərəfindən dəstək verilməsinə ehtiyac var”.
dle 10.5
Xəbər
Bakı metrosunda faciəBakıda daha bir avtobus qəzası: ölən varƏr-Riyad Qaşıqçının ölümünü bu cür elan edəcək: Türkiyə isə...“Rus NATO-su” İrəvanı cəzalandırdı: İclas ləğv edildi34 yaşlı gəncin öldüyü klinikadan – AçıqlamaABŞ Pompeodan öncə Türkiyəyə onu göndərdiPaşinyan bu gün istefaya gedəcəkİrəvan qatil generalı həbsdə saxladıDolların bugünkü məzənnəsiİspaniya evdə İngiltərəyə təslim olduYuxularınız sizin haqqınızda bunları deyirTürk kəşfiyyatından inanılmaz: Terrorçularla tarixi razılaşma..ABŞ başlıca təhlükəni açıqladıFransanın İrəvana atdığı “xilas kəməri”... – ŞərhSəudiyyədə növbəti inqilabi qərar: Qadına yüksək vəzifəHindistandan müsəlmanlara qarşı şok qərarAğrıyan yerinizə xına çəkin - Bilinməyən faydalarABŞ-dan Türkiyəyə dəstək: müttəfiqimizin yanındayıqErmənilər Qafqazda “İkinci Qarabağ” yaradır – ŞərhOrdu Putini üstələdi – Kreml üçün arzulanmaz mənzərəRusiyadan Qarabağ açıqlaması: Ehtiyatsız bəyanatlar...Rusiyada vertolyot qəzası: Karapetyan öldüMer məşhur məmuru işdən çıxartdı: həbs oluna bilər?NATO-dan sərt açıqlama: Rusiya bunu dayandırmalıdır!İndoneziyada ölü sayı hər keçən gün artır - 1558 nəfər"Qarabağ" "Arsenal"a uduzdu - Böyük hesabla“Palmali” bu gəmini suya buraxdı: Ancaq azərbaycanlılar…Çavuşoğlu BMT diplomatı ilə Suriyanı müzakirə etdiBeyin hüceyrələrini məhv edən səbəblər...“Bakı Bus”un qapısı qırıldı: sərnişinlər etiraz etdi - FotoABŞ bizə "üçüncü əllə" hücum edir - RusiyaRus nazir təsdiqlədi: Türkiyə ilə ticarətdə dollardan imtina...Alman nəşrindən inanılmaz: Rusiya Belarusa qoşun yeridə bilərDünyanın gözlədiyi əməliyyat başladı: Rusiya zərbə endirdiTrampdan Moskva və Tehrana çağırışSanksiyalar İrəvanı da vurdu – Boş hay-küyRusiyadan Türkiyəyə jest: Dollar istifadəsi…Bu ölkədə nazirin olduğu lift şaxtaya düşdüRamil Quliyev Avropada ayın ən yaxşısı ola bilərSəhər acqarnına su içməyin 7 faydası“Qayıdış marşı”nda ölənlərin sayı 160-a çatdıLavrovdan Pompeoya: Bircə dəlil də təqdim etmədinizStress və depressiyanı müalicə edən ən yaxşı üsulRuhanidən Ərdoğana: Trampı peşman edəcəyikTrampdan Türkiyəyə daha bir zərbə: 2 dəfə bahalaşdıNaxçıvandan “savaş başladan” ermənidən yeni addım - Videoİrana daha bir zərbə: Dollardan imtinaƏlimizdə ciddi faktlar var, Köçəryan bu gün…Medvedyevdən ABŞ-a təhdid: Bu, savaş elanı olacaqQəzzadan Netanyahuya ciddi zərbə: Kabus başlayıb...