» » Valideyn “Şıxlinskaya”dan nələr yazdı... - Rüsvayçılıq

Valideyn “Şıxlinskaya”dan nələr yazdı... - Rüsvayçılıq

20-01-2017, 20:28
Yerləşdirdi: Admin
Çıxartmaq
Valideyn “Şıxlinskaya”dan nələr yazdı... - Rüsvayçılıq
Ruslan İbrahimov adlı vətəndaş Leyla Şıxlinskaya Klinikasında həkim səhlənkarlığı ilə üzləşdiyini bildirib.

Axar.az Avtosfer.az-a istinadən xəbər verir ki, o, bu barədə sosial şəbəkədə məlumat yayıb. İbrahimov Leyla Şıxlinskaya Klinikasında iki övladının həkim səhlənkarlığına görə ağır duruma düşdüyünü bildirib:

“Yanvarın 7-də axşam saat 19:00-da oğlum İbrahimli Murad və qızım İbrahimli Ayanın hərarəti yüksəldiyinə görə “Atəşgah” sığortaya zəng vurdum. Yaşadığım evə ən yaxın klinikadan dərhal həkim briqadası gəldi. Övladlarımın hərarətinin yüksək olduğu üçün həkimlər uşaqları xəstəxanaya aparmağı məsləhət gördülər.

Sığorta əməkdaşları ilə məsləhətləşdikdən sonra uşaqları Leyla Şıxlinskaya Klinikasına gətirdik. Klinikanın həkimi bizi ilkin müayinə otağına dəvət edib uşaqları yoxlamağa başladı. Qızım Ayanı yoxlayan həkim onun öskürüb-öskürmədiyini soruşduqda, biz öskürmədiyini, sadəcə, hər iki uşaqda yüksək hərarət olduğunu və yediklərini qaytardıqlarını bildirdik. Bu zaman həkim israrla, dəfələrlə təkrar edərək bildirdi ki, uşağın ciyərlərində səs var. Mən də israrla təkrarən həkimə uşağın öskürmədiyini dedim. Bundan sonra həkim “Fanendoskopun şlanqı xələtimə dəydiyi üçün gələn xışıltını uşağın ciyərindən gələn səs kimi başa düşmüşəm”, - dedi. Bir valideyn kimi bu vəziyyət məni narahat etsə də, fikir vermədim. Fikirləşdim ki, həkim bəlkə gecə olduğu üçün yorğundur, amma gərək elə həmin dəqiqə klinikanı dəyişərdim. Çünki mən orada israr etməsəydim ki, uşaq öskürmür, mənim 6 aylıq qızımı bəlkə şikəst edəcəkdi. Təəssüf ki, uşaqları anaları ilə birlikdə həmin klinikaya yerləşdirdim. Sən demə, hələ bizi gözləyənlər qabaqda imiş.

Səhəri gün, yanvarın 8-də səhər saat 11:00-da mən övladlarımla maraqlandığımda uşaqlara nəinki həkim nəzarəti olmuşdu, hətta səhər yeməkləri belə gətirilməmişdi. Həyat yoldaşım bunları mənə bildirdikdə fikirləşdim ki, birinci gün olduğundan bəlkə işləri çoxdur. Amma yanılmışdım, personalın səhlənkar davranışları, antisanitariya, həkimlərin kobud davranışları, səhv etmələri davam edirdi. Hətta iki dəfə həyat yoldaşıma səhv dərman resepti yazmışdılar, USM yoxlaması təyinata uyğun yoxlanılmamışdı və s. Bir sadə vətəndaş kimi fikirləşirdim ki, yəqin, mən səhv düşünürəm. Axı bu həkimlər Hippokrat andı içiblər, axı bunların da uşaqları var.

Yanvarın 9-da isə axşam vaxtı oğlum Murad yüksək qızdırmadan huşunu itirib şok vəziyyətinə düşüb. Anası həkim harayında olmasına baxmayaraq, klinikada yoldaşımın fəryadına ancaq adını bilmədiyim sanitar xidmətçisi çatıb. Allah ondan razı olsun ki, oğlumu o vəziyyətdə ilkin yardım göstərməklə ayıldıb! Ən dəhşətlisi odur ki, bu cür hadisə baş verməsinə baxmayaraq, səhər uşaqları yoxlamağa gələn həkim baş verənlərdən xəbərsiz olub. Bu hadisədən sonra tam əmin oldum ki, uşaqlarım bir gün də orada qalsa, onları bir daha görə bilməyəcəm. Odur ki, sığortalandığımız “Atəşgah” sığortayla danışıb övladlarımı “Kaspian” adlı klinikaya köçürmələrini xahiş və tələb etdim. Sığorta nümayəndələri məni dinlədikdən sonra dərhal tələb və istəyimi nəzərə alıb danışıqlara başladılar. Və nəhayət “Kaspian” klinikasına köçürə biləcəyimi söylədilər. Leyla Şıxlinskaya Klinikasında uşaqları başqa klinikaya köçürmək istədiyimi bildikdə klinikanın həyətində təcili tibbi yardım maşını boş olduğu halda maşını verməkdən imtina edildi. Bunun adını siz deyin, bu insanlıqdırmı?

Nəhayət, başqa bir klinikanın təcili tibbi yardım və həkim briqadası göndərildi. Həmin klinikanın həkimi uşaqları qəbul edib “Kaspian”a təhvil vermək üçün müalicənin epiqrizini və uşaqların analizlərinin cavablarını tələb etsə də, məlum oldu ki, analizlərin cavabı yoxdur, tapa bilmirlər. Burada ortaya bir sual çıxır: əgər analizlərin cavabı yoxdursa, uşaqlara hansı diaqnoz qoyulub? Hansı müalicə aparılıb? Beləliklə, mən övladlarımı “Kaspian” klinikasına yerləşdirdim. Burada məlum oldu ki, uşaqların müalicəsi düzgün aparılmayıb, onlara sistemdən başqa heç bir dərman verilməyib. Odur ki, uşaqlar Leyla Şıxlinskaya Klinikasında olduqları müddətdə qızdırma və qusma kəsilməmişdi. Mənə bir valideyn kimi ən pis təsir edən nüanslardan biri də odur ki, biz Leyla Şıxlinskaya Klinikasında olduğumuz zaman Leyla Şıxlinskayanın nəvəsi öz klinikasında xəstə yatırdı və bütün həkim personalının diqqəti onun üzərində idi. Hamının başı ona qarışmışdı. Hətta mən uşaqlarımı bu klinikadan köçürən zaman 3 saat bizi yubatdılar. Səbəb isə digər klinikadan gələn həkimlərin konsiliumu imiş. Allah hamının balasını saxlasın, amma Leyla Şıxlinskayanın balası baladır, bizimki yox? Şükürlər olsun ki, övladlarımın hər ikisi artıq məsuliyyətli həkim və klinika personalının nəzarəti altındadır və onların nə qızdırmaları, nə də qusmaları var”.

Məsələ ilə bağlı Axar.az bir neçə dəfə Leyla Şıxlinskaya Klinikasının cavabını almaq istəsək də, klinika bu barədə açıqlama verməkdən imtina etdi.

dle 10.5
Xəbər
Makron ölkəyə fövqəladə vəziyyət və xaos gətirdi - DeputatABŞ Rusiyaya sanksiyaların növbəti dalğasına başlayırKələmin qızıldan qiymətli faydaları...Təcavüzə görə axundu öldürən Hüseyn edam edildiRusiya daha 2 şəhəri ələ keçirir? - ZaxarovaSaakaşvili xalqı kəskin mübarizəyə səslədi - YeniləndiABŞ bombaladı: Taliban onun ölümünü təsdiqlədiRusiya "Qrad" və T-90-ları işə saldı - VideoGürcüstan hərbi yolu bağlandı: Rusiyadan xəbərdarlıqÇin ağ bayraq qaldırır: Ticarət savaşını Tramp qazanırTürkiyə hərbi texnikalarını Suriyaya yeritdiBuşun son sözləri: Səni sevirəm...Türkiyə bu rekordunu yenilədi: 168 milyard dollar…KTMT gələn ilə qədər başsız qalır - QasparyanPutin G20-də son nöqtəni qoydu: Müharibə davam edəcəkAzərbaycanın 100 minlik ordusu ilə üz-üzə qalacağıq - SərkisyanPutin Ərdoğanı buna görə tələsdirir – İsti şərhƏrdoğanla Trampın görüşü başa çatdı - FotoKerç böhranı mübahisəyə səbəb oldu: “Axmaq...” - VideoPutin Trampla görüşündən danışdı: Ona iki söz dedim..MKİ-dən şok: Salman Qaşıqçının ölüm əmrini...Rusiyada qatar relsdən çıxdı, tanklar yerə töküldü – VideoPutindən Ərdoğana: Türkiyə bunu bir daha təsdiqlədiRusiya "Skif"in ilk uçuşunu reallaşdırdı - VideoƏməliyyatdan sonra komaya düşən xəstədən yeni xəbər"Qarabağ" Bakıda 6 qol buraxdı - YeniləndiQoşqar Hacıyev komaya düşdüİrəvanda durum pisləşir, Kreml heç nə edə bilmir, Qarabağ…Bakıda beynəlxalq forum: Prezident iştirak edirRusiya “Admiral Kuznetsov”dan daha böyüyünü tikirBakıda tozun miqdarı 3 dəfə artdı – SəbəbSerj Sərkisyanın köməkçisi ABŞ-a səfir göndərildiPutin açıq şəkildə Avropanı təhdid etdiŞoyqu Türkiyəyə niyə gedir? – Mühüm görüşİlham Əliyev sərəncam imzaladıMoskva-Gəncə reysi ilə uçan təyyarədə faciəPaşinyan baş nazir seçilmədiİstanbulda yanğın sürətlə yayılır: partlayışlar... - VideoAltın Qurd Mauqlini döyüşə çağırdıƏrdoğan olduğu müddətcə buna nail ola bilməyəcəklər - VəliəhdAkar açıqladı: S-400-lər bu tarixdən Türkiyəni qoruyacaqSiyasəti Trampdan təmizləmək lazımdır – SorosBu halda ordumuz hər şeyi edəcək – Çindən savaş hədəsiABŞ generalı: ABŞ-Çin müharibəsi başlayacaq"Barselona"dan qələbə, PSJ və "Qalatasaray"dan bərabərlikHəbibdən Konora təklif: Onu bizə gətir, sonra döyüşəkÇindən Trampa sərt cavab: Şantaja dözməyəcəyikBolton: ABŞ-ın müqaviləni tərk etməsi…Türkiyədə şiddətli atışma: şəhid və yaralılar vaKraldan Qaşıqçı açıqlaması: Kim olur olsun…