» » Polkovnik sirləri açdı: General Cəmşidian, silinən milyonlar...

Polkovnik sirləri açdı: General Cəmşidian, silinən milyonlar...

28-04-2017, 16:33
Yerləşdirdi: Admin
Çıxartmaq
Polkovnik sirləri açdı: General Cəmşidian, silinən milyonlar...
Ləğv edilmiş MTN-nin Baş Əks-Kəşfiyyat İdarəsinin sabiq şöbə rəisi, polkovnik Mirəziz Əsgərovun cinayət işi üzrə növbəti məhkəmə prosesi Bakı Hərbi Məhkəməsində keçirilib. O, sahibkarlıq fəaliyyəti ilə məşğul olan Vidadi Əzizovdan hədə-qorxu yolu ilə külli miqdarda pul almaqda təqsirləndirilir.

Musavat.com xəbər verir ki, hakim Elbəy Allahverdiyevin sədrlik etdiyi prosesdə zərərçəkmiş sahibkar Vidadi Əzizov ifadə verib.

V.Əzizov həbsdə olan polkovniki əvvəllər tanımadığını deyib və istintaqa verdiyi ifadəsini təsdiqlədiyini bildirib. O, deyib ki, Rusiya və İran arasında kübrə alveri ilə məşğul olan şəxslərlə işləyib. Həmin ərəfədə - 2012-ci ildə Dubaydan Azərbaycana “Zaminbank” vasitəsi ilə pul göndəriblər.

Sahibkar ifadəsinə davam edib: “Həmin pulu götürmək üçün bankın “Nərimanov” filialına yollandım. Yanımda sürücüm və həyat yoldaşım da var idi. Nəriman adlı tanışım bankdan götürdüyü 1 milyon manatı mənə verdi. Sonra Nərimana puldan 300 min manat qaytardım. Həmin vaxt Nərimanın dostundan ev almışdım. Pulu ona çatdıracaqdı. Qalan pulu maşının baqajına qoydum. Bu zaman Nəriman məni çağırdı. Ona tərəf getmək istəyən zaman üstümüzə tökülüşdülər, bizi əhatəyə alaraq tutdular və MTN-ə gətirdilər”.

Əzizov deyib ki, onu MTN hazırda həbsdə olan polkovnikin otağına aparıblar: “Otaqda Rəşad adlı şəxs bildirdi ki, bura sənin üçün axırıncı yerdir. Ona etiraz etdim, bildirdim ki, bura dövlətin binasıdır və hər kəs üçün axırıncı yer qəbiristanlıq ola bilər. Dedim ki, bura bizim üçün başlanğıçdır. Məni vətənə xəyanət etməkdə, İrana casusluq etməkdə suçladılar”.

Onun sözlərinə görə, həbslə hədələndikdən sonra ondan külli miqdarda pul tələb ediblər: “Mirəziz Əsgərova dedim ki, 100 min manat verə bilərəm. Soruşdu ki, hansı puldan verəcəksən? Dedim ki, burada olan pulumdan verəcəm. Bu zaman təqsirləndirilən şəxs həmin pulun mənə məxsus olmadığını bildirdi, dedi ki, o pul sənlik deyil. Məni dindirənlər arasında ən mədənisi Mirəziz Əsgərov idi. Elə hərəkət edirdilər ki, elə bil, bazardasan. Axşama qədər saxlanıldım. Buraxılmağım üçün 300 min dollar aldılar”.

Ancaq sahibkarın dediyinə görə, bundan sonra da canını MTN-dən qurtara bilməyib. Daha sonra ondan Mirəziz Əsgərov tərəfindən 100 min dollar tələb edilib. Sonda 40 min dollara razılaşıblar.

Vidadi Əzizov onu da bildirib ki, 4 ay MTN əməkdaşları tərəfindın izlənilib: “Əvvəllər təqib olunduğumu bilirdim. Amma sonda belə biabırçılıq edəcəklərini, məni küçənin ortasında saxlayacaqlarını bilməzdim. Məni MTN-dən Mirəziz yola saldı. Torbada qalan pulumu da mənə qaytardı, amma 300 min dollarını götürmüşdülər. Pulu sürücümə verdim və bacımgilə aparmasını istədim. Özümün isə başqa işim olduğu üçün onunla getmədim”.

Dövlət ittihamçısının suallarını cavablandıran zərərçəkmiş bildirib ki, kübrə alveri ilə məşğul olub. İspaniya və Argentina şirkətlərindın aldığı malı İran şirkətinə sataraq qazanc əldə edirmiş.

Sahibkar MTN-də təzyiqlərə məruz qalması haqda bunları deyib: “Bir MTN əməkdaşı mənə qarşı silahı tuşladı. Həmin vaxt mənə 1 milyon yox, 20 milyon dollar gələcəyini düşünüblər”.

Əzizov ifadəsində mülki iddiasını müdafiə etdiyini və dəymiş zərərin ödənilməsini tələb edib. Polkovnik Mirəziz Əsgərov isə zərərçəkmişin dediklərinə etiraz edib. Və bildirib ki, bu deyilənlər ona qarşı təhqirdir.

Daha sonra sahibkar MTN polkovnikinin suallarını cavablandırıb:

- İranda saxlanılıb təsir altına düşmüşdün...

- Belə bir hal baş verməyib.

- Nihad Əliyev sənə mesaj yazıb ki, Azərbaycanda 22 nəfər tutulub, ehtiyatlı ol. O, bu mesajla sənə nə demək istəyirdi?

- Həmin ərəfədə Azərbaycanda ara qarışmışdı.

Bu suallardan sonra zərərçəkmiş Əzizov deyib ki, MTN-də onu İranın xüsusi xidmət orqanları tərəfindən təlimatlandırılmaqda, "Avroviziya" ərəfəsində Bakıda partlayışlar planlaşdırmaqda ittiham ediblər.

Bu sözlərdən sonra MTN polkovniki Mirəziz Əsgərov arayış verib: “Zərərçəkmişin ifadələrində ziddiyyətlər var. Deyir ki, onun 674 min pulu olub. Guya 300 min dollarını alıb, qalan pulu özünə qaytarmışıq. Sonra iddia edir ki, ondan 40 min dollar da əlavə tələb edilib. 40 mini alacaqdımsa, onun əlimizdə olan pulunu niyə qaytarırdım? Vidadi Əzizovun ətrafında apardığımız araşdırmalarla kifayət qədər sübutlar toplamışdıq. İndi burada yalan danışır ki, 2001-ci ildən bizneslə məşğulam. Bu şəxsin yaşam tərzinə nəzər yetirin. Özünün heç bir mülkü olmayıb. Bacısının evində yaşayıb. Deyir ki, biznesdə 1 milyon, 10 milyon, 18 milyon dövriyyəsi olub. Bu qədər dövriyyəsi olan adamın yarım milyonluq mülkü olmalı idi. Mən bu gün Vidadi Əzizovun ifadəsi ilə həbs olunmuşam və əsassız olaraq da həbsdə saxlanılıram. Vidadi Əzizov İran vətəndaşları ilə tanış olub. Onu İranda əməkdaşlığa cəlbetmə şərti ilə saxlayıblar. Bu haqda bizdə əməliyyat məlumatları olub. Burada deyir ki, Cəmşidian iranlı biznesmendir. Heç kimə sirr deyil ki, Cəmşidian SEPAH-ın generalı olub. Zərərçəkmiş burada deyir ki, həmin şirkətlərlə biznes fəaliyyətinə dair sənədlər göstərə bilmir. Bunun da səbəbi həmin ərəfədə İranın beynəlxalq sanksiyalar altında olmasıdır. Bu şirkətlər qanunsuz fəaliyyət göstərir, çirkli pulların yuyulmasıyla məşğul olurdu. Beynəlxalq təşkilatlar var ki, məhz dünyada çirkli pulların yuyulmasına qarşı mübarizə ilə məşğuldur. Ona görə də Vidadi Əzizova pullar İrandan yox, "Ziraatbank" vasitəsilə Dubaydan göndərilirdi. Vidadi İranda əməkdaşlığa cəlb olunarkən çirkli pulların yuyulması məqsədilə ölkədən çıxarılmasını öz üzərinə götürmüşdü. Burada Vidadinin bir faiz qazancı olacaqdı. Bizim əməliyyatımızı Moskvada bildilər. Bundan sonra həmin pullardan imtina elədilər”.

Növbəti məhkəmə prosesi mayın 12-nə təyin edilib.
dle 10.5
Xəbər
Futbol tarixinin ikinci ən bahalı transferi artıq odurTrampdan Kim Çenə yaşıl işıqBakıda dəhşətli qəza: 15 yaralı – VideoAlmaniyadan şok qərar: İsraili tanımayan...Cavad Zərif yazdı: Təcili xəbər...İŞİD-in qalasında SSRİ bayrağı - Tarix təkrarlandıTürk ordusundan PKK-ya ağır zərbə - ƏməliyyatGürcülər Ukrayna ordusunu tərk etdi – Gərginlikİran müxalifətinin "liderləri" kimdir?İrana müdaxilə edilməsinə göz yummarıq - TürkiyəBakı nefti ucuzlaşdıDaha bir ana doğuş zamanı öldüGerasimov təsdiqlədi: ABŞ yeni terorçular hazırlayırPentaqon rəsmi rəqəmləri açıqladı – Suriya və İraqda...İsraildən ABŞ-a sərt tələb: Bu ifadəni işlətməyin!"Qarabağ"ın vurduğu bütün qollar - VideoHəkimdən xəbərdarlıq: bayram vaxtı bunları almayınƏrəbistan rəhbərliyi İstanbul Zirvəsinə niyə qatılmadı?Ərdoğan: Trampın qərarını qəbul etməyən hər kəsə... - VideoBu qərarlar İsraili məhv edə bilər - SiyahıAzərbaycan 3 türk ölkəsi ilə ortaq ordu qururABŞ təyyarədə Qüdsü anons edən pilotu saxladıYəhudi deputatdan Ərdoğanla bağlı çağırışYəhudilər, BMT-yə əhəmiyyət verməyin - Qalmaqallı çağırış“Artsax” adlı qurum yoxdur, Kostanyan sussa...Rusiya XİN-dən Qüds açıqlaması: MümkündürYol xətti səhv çəkilib, sürücülər cərimələnir - VideoSaakaşvilini bunda ittiham etmirik - Kiyev geri çəkildiTürk dövləti Kremlə uduzdu: UzatmayacağıqQüds məsələsini Putinlə danışacam, çünki... - ƏrdoğanRusiya İrəvana hansı silahları verəcək? – Savaş hazırlığıBakıdan Trampın Qüds qərarına – MünasibətTrampın fəsadı: Fələstinlə İsrail arasında toqquşma - VideoLavrovdan Qarabağ açıqlamasıSaakaşvili belə azad edildi - Video“Qarabağ”ın ÇL-dəki qazancı müəyyənləşdiNazirlikdən yoluxucu virusla bağlı ciddi xəbərdarlıqİlham Əliyev Ağcabədidə açılışlar etdi - FotoAŞ Rusiyaya sanksiyanı ləğv edir?Puqaçovanın bu görüntüsü heyrət doğurdu - FotoƏrdoğanın oğlu İtaliyada həbs edildi? - FotoŞarapova matçda evlilik təklifi aldı, cavabı... - VideoMüsəlmanlar insan deyil - DeputatTramp Ərdoğana söz verdi: Gülənin taleyi...Sərkisyan Qarabağdan əlini çəkdi: NATO hərəkətə keçirİslamabad qarışdı: Ordu paytaxta yeridildiTürkiyə, İran və Qətər arasında – Mühüm müqavilə80 yaşlı qadın 300 milyonluq şirkəti idarə edir - FotoTürkiyə istəyinə çatdı: kürdlər uzaqlaşdırıldıAzərbaycanla Rusiyadan birgə əməliyyat: 100-dən çox həbs