DataLife Engine > Manşet / Gündəm > Azərbaycanlılar pullarını tələb edir - Bank qanunsuzdur?

Azərbaycanlılar pullarını tələb edir - Bank qanunsuzdur?


19-06-2017, 18:13. : Admin Azərbaycanlılar pullarını tələb edir - Bank qanunsuzdur?
İranın Azərbaycan vilayətlərinin müxtəlif şəhərlərində “Samin” kredit təşkilatının müflis olduğu ilə bağlı xəbər yayıldıqdan sonra əmanətçilər kredit təşkilatı şöbələrinin önündə toplaşıb.

Sosial şəbəkələrdə yayılan məlumatda iyunun 18-i Miyana, Meşginşəhr, Astara və Parsabadda əmanətçilərin “Samin” kredit təşkilatı şöbələrinə müraciət edib, pullarını geri almaq istədikləri bildirilib. Ölkənin daha bir neçə şəhərində də oxşar hadisə baş verib.

Kredit təşkilatının Miyana şöbələrindən birinin rəisi əmanətçilərin pulunu qaytarmaqda heç bir problem olmadığını, bir həftə ərzində hər şeyin öz qaydasına düşəcəyini qeyd edib:

“Samin” digər kredit təşkilatı olan “Kövsər”lə birləşib. Bu xəbər yayıldıqdan sonra əhali kredit təşkilatının müflis olduğunu düşünərək bütün şöbələrə müraciət edib, öz əmanətlərini geri istəyiblər, nəticədə izdiham yaranıb”.

İLNA xəbər agentliyi isə “Samin” kredit təşkilatının mərkəzi bankdan lisenziya almadığını və qanunsuz olaraq fəaliyyət göstərdiyini yazıb. Ona görə də Mərkəzi Bankın bu məsələdə cavabdehlik daşımadığı bildirilir.

Qeyd edək ki, son aylarda İranda bank olmayan kredit təşkilatlarının bir neçəsində ciddi problemlər yaşanır. Əmanətçilər kredit təşkilatlarına qoyduqları pulları və onun faizini ala bilmir. Bu məsələ Güney Azərbaycan və İranın müxtəlif şəhərlərində hətta kütləvi etiraz aksiyalarına səbəb olub.
dle 10.5